觉得长请直接跳往《火旦先生与火旦太太》
其实我想讲呢。要严谨甘去讲每一句话，系非常之辛苦噶。所以有一句话我系一直都唔会讲噶。一开始系我唔中意，后尾系我唔知中意D咩。然后呢句话呢就系：
我 热爱 学校。
学校呢个词，可以引申太多噶含义。广义上噶学校呢，就系仅仅指学校甘简单（例：我要考去XX高等学校。），狭义上呢，就系指上级噶指示，同埋老师层噶实行（例：学校好衰啊，装部空调唔使佢出钱都唔制。）而实际上噶学校呢，死咯。你热爱学校呢，就可以热爱呢度噶校园，老师，教学，设备，同学，男生，女生，甚至仅仅系个份记忆。所以我呢D甘仆街噶人呢，系唔可以甘讲野噶。
我想讲呢，就系我地一部分可爱噶老师们，大山 ，以及火旦先生and火旦太太
1 big shan
那，依家我地要展示噶呢就係我地噶级长最华丽最精彩噶一面，显然特别噶人见唔到噶。只有我呢D甘普通噶外宿生先可以见到。（防止有人“外宿生好巴闭咩”噶措施，睇唔明就算）
话说某日烈日当空，我前往某饭店买饭，等待取餐噶时候呢，我听到某高速摩托车呼啸而过噶声音。
然后“老板，我那个饭好了吗？”呢把熟悉而陌生噶声音令我反射甘望望过去，哗。。。。
大山用一只脚支撑部车，然后除低头盔，头发因为汗而贴着面
大山拿盒饭之后，同我打个招呼，跟住带翻好头盔，继续呼啸而出。
一个字，型。
原来，级长系可以甘型噶。原来，我地噶级长係型过飞车党噶。
2火旦先生与火旦太太
我知我甘讲呢就比较少人知道我讲紧边个。其实我想讲噶就系10班噶班任许言DAN先生同10班噶MISS XU
我想讲呢，佢地两位系我见到老师情侣里面最浪漫最唯美，更重要噶系，最幸福噶。
好多时放学出校门口或者系学校出面，都会见到佢地两个。好神奇噶係，我呢世人第一次有种望住人地就会心一笑噶感觉。注意係会心一笑，为佢地噶幸福而开心。下面讲述最详尽噶一次。
又一个月光风低噶夜晚，放学铃一响，刚好完成作业噶我疲倦甘热烈地向停车场奔去，拿车后悠闲地推向校门。
係另一边噶教师停车场传来两把笑声。
佢地两个推住车，岩出停车场，火旦先生坐上车，然后指住后座，“走，我们兜风去。”
然后MISS笑笑，准备坐上去。顽皮的火旦先生未等佢坐落去就开车，扮到好愤怒噶MISS紧随其后，边追边打。
而结局，当然係未打够几下就揽到实一实，幸福地兜风去了。
我转身望住漆黑噶停车场，“点解我后面无女仔跟住呢？”
『以下为删减片段（纯属虚构）：突然阴风一阵，某面色惨白噶女？追住我话要一齐去兜风…………』
一部单车，蕴含住佢地好多好多噶幸福，有一齐踩车噶温馨，有火旦先生独自踩车对MISS噶挂念，有MISS孤身踩车对火旦先生噶惦记，可以係追追打打，可以係拿住饭翻屋企食。所有噶都令人可以会心一笑。
仲有一次，MISS代4班课，佢同其他老师倾计，应该讲到新居布置噶野。唔好闹我，我值日，甘岩经过，好清晰甘听到MISS话“家私那些基本上都准备好了。”然后见到佢幸福好无法用语言描述甘傻笑。
我想讲我呆了。我发誓，以后要嫁比我噶某位，我一定要令佢幸福到当其他人问佢我地噶野个阵，佢幸福到净识得傻笑。
不过对于佢地，我有个遗憾，唔可以参加佢地噶婚礼。虽然，呢个係必然噶遗憾。『“大熊（我班主任）吗？我想请你班的那个外宿生参加我的婚礼……）但系，起码我用一种特别噶方式，见证过佢地噶幸福。
佢地每日努力甘教育同一班学生，为佢地噶学习，各种乜叉乜叉而操心，同时又有只属于佢地自己噶幸福。
如果我噶外宿生活係一部恶评如潮噶电影，佢地噶野，将会係电影里面最大，最精彩噶亮点。
如果我噶外宿生活係一部最佳影片，甘佢地噶野，将会係甘多个搞笑，特别，恐怖，温馨，复杂噶小故事里面，最令人开心，最感染人噶一个故事。
最后，我想讲呢，我异常衷心甘祝Mr and Mrs火旦幸福，然后我又想讲呢，佢地，肯定，会好幸福噶。
真係好怕会忘记李中老师里面，甘美丽而可爱噶两个故事，依家终于记低啦，正
评论