注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Depressing

这么穷 那么累

 
 
 

日志

 
 

不再记得  

2011-02-25 12:46:21|  分类: 完美风暴 |  标签: |举报 |字号 订阅

  下载LOFTER 我的照片书  |
本文转载自库巴同学《生人霸死地》

两年前最温情,眼浅噶故事。

每一个人噶故事都喺唔平凡噶。

(结尾有新增内容。)

每一个屋企都有老人,或者我地读书好辛苦,或者我地好忙。

或者我地对住佢地觉得唔耐烦,但唔好闹,唔好发脾气,放下你噶不满

可以陪佢地,都尽量陪一下。高二啦,放假少,翻屋企都少,仲有几多机会可以见面?

无佢地当年噶故事,无今日噶你,就连你老豆老母都无。

今日,有你噶佢地,会安慰,会快乐。

希望多数人都快乐,最好都系好人。

“唔好有事啊。”默念

我永远都唔知道第一次同佢见面喺点噶。

细个个阵,佢成日带我去好多好多噶地方,讲好多好多噶古仔,大部分我听唔明,但我真系好中意听,甚至记得每个古仔噶大部分情节。

我最中意噶喺捉佢只手,然后将佢手背噶皱纹整成好多我认为好规则噶不规则图形。

妈咪以前成日话,我一学识讲野,老豆就抱住我去稳佢,然后话:“乖女,叫公公啦。”

唔知我当时有无叫到呢,我净知道。公公喺我噶童年里面,出现得比阿爸阿妈都要多。

17年,隔得远,见得少,唔代表会生疏。公公,依然喺最锡我噶公公。

一啉到甘,有D眼湿湿。上次见佢喺几时?佢生日?

唔喺,我无请假。上个暑假先岩。再见面,就变成病重噶佢。

“女啊,公公应该训醒架啦,你去陪佢倾倾计啦好无?”

病床上,公公望住我笑笑,公公虽然老,但系一直都好健康,点解会突然间病?

“都话叫你老豆唔使带你离架啦,个D学校请假唔好。”

“公公…………”我望住床边几瓶药水,经过几条管,输入到公公噶左手手背。

“过离右边坐低啦,左手唔得。”佢有D辛苦甘递起右手,佢一直记得我中意整佢噶皱纹。

我坐低,捉住佢只手,比以前轻好多,我忍唔住喊住,眼泪滴到佢手背。

“傻猪离噶,喊咩窝。”

“你唔好有事啊,唔准有事啊!!我唔要见唔到你啊……我会成日陪你架。”我一边喊,一边讲。

“有好多野唔系话点就点,你都大个女咯。”

“我唔制啊!!!”

佢拍拍我只手,“你老豆喺边度啊?我有D野同佢讲。”

“出面。”

“叫佢入离啦。”

阿爸行入离,坐喺公公左边。

“岳父,咩事啊?”

“记得,帮我买个度啊。你问过未啊?有无比人买佐?”

“都话你唔会有事,你放心啦。”

“有无事都帮我买个度先啦。我自己有D钱,无论点我都想去个度啊。”第一次见到公公好似细路求人甘噶语气。

“唔系呢个问题啊。”

“我知道唔系呢个问题啊,但点解你一直唔肯帮我买窝?如果比人买佐我去求求人让比我。你唔好咩都唔话比我听先得架!!”

“我…………唔系甘架……”

可能喺太激动,公公好辛苦甘咳佐几声,然后有D血喺鼻度喷出离。

我除佐喊得更犀利,净喺识得捉住佢只手。望住大声叫医生噶老豆,我啉,或者有一日,佢会好似公公甘老,甘病。唔知道,到时噶我,会好似今日甘净识得喊,定系可以照顾好佢,或者,我会有个好似老豆甘好噶老公,帮我照顾老豆。

医生将我同老豆叫出病房,然后同公公急救。

“Daddy啊!!公公想买咩你咪帮佢买咯。唔好再激佢啦。”我又惊又嬲。

“我怕买佐佢会…………”

“佢想买咩窝,我听过佢甘同你讲好多次。点都好,呢个喺佢噶心愿离架嘛,你甘都唔帮佢?”

“墓位。”老豆好平静甘讲呢两个字。“婆婆墓位隔离个个。”

我终于明白,甘多年,公公一直要阿爸阿妈帮佢买噶喺呢样野。

“其实我同你阿妈一早就帮佢买佐,但我之前觉得佢甘健康,话佢听呢D野唔好,而依家佢病紧,我怕一讲,佢会觉得无咩牵挂而离开我地……”

我地两个都无继续讲野。

我对婆婆噶印象唔大,因为我3岁佢就走佐。不过我知道公公好爱佢。

公公喺屋企排第二,十几岁就跟朋友去佐香港打工。唔知佢靓仔定好人,有间铺头老板个女好中意佢。话无论点都要跟住佢,点知佢讲真噶。公公要翻离广东,佢真系无理过自己阿爸反对跟佐佢翻离。

点知翻到离噶时候岩岩打仗,呢边唔系战区,但好多人因为无饭食饿死。个女仔无嫌辛苦,一直陪住公公。后尾隔离镇噶一个地主噶少爷睇中佢,公公见个太子爷几好人,啉住佢嫁过去肯定会过得好好,所以成日叫佢走,话跟住自己无名无分,迟早饿死。然后又话觉得佢好无聊,因为一个人抛弃晒屋企人,去到甘远。个女仔好嬲,但无走,佢明白公公啉咩,最后公公讲真话,认真甘劝佢嫁比太子爷,同佢讲自己真系想佢过得好,而唔系好似依家甘。

佢点头默许,因为佢系呢度无娘家,公公就用晒所有方法帮佢准备嫁妆。然后发生咩我都唔知,公公无同妈咪讲,净知道个女仔最后都喺唔舍得公公。一直陪佢,后尾仲做埋妈咪噶妈咪,我噶婆婆。

原来,公公一直希望死佐之后都可以陪呢个为自己辛苦一世噶女人。

我无继续翻学,公公病得越离越严重。

佢成日都同我叫老豆帮佢买好佢。

我感觉到公公离我地越离越远,只可以喊,每日甘喊。

我决定话佢听。

“公公,我同你讲一件事,但你可唔可以应承翻我一件事。”

“嗯”

我将事实话佢听,一边讲,越喊越犀利。

“你要应承我依家唔好有事,唔可以离开我地。你叫婆婆再等等你啊。好唔好?我应承你多D陪你啊。唔好甘快就走啊……我好辛苦啊~~”

听完之后,公公好开心甘笑,甚至有D得戚噶表情。

神奇噶喺,佢真系几日就好翻,出院之后又变翻以前个个公公。

公公同老豆好好感情,一直都喺。公公话,老豆喺一个60分噶爸爸,80分噶老公,99分噶女婿。扣1分原因:唔信岳父噶心理质素,一直唔讲真相。

公公等佐14年,终于等到呢个佢期望噶结果:生人霸死地。

 

以上内容引用2009年2月28日《生人霸死地》

其实我将佢用女仔角度,好显然就喺我噶不自觉将另一个系列噶剧情连接。

其实呢个女仔呢,就喺当年噶纸巾。(《爱情紧箍咒》那个)

本来噶预想呢,就喺佢哋两个都去到同一个市属高中,

而吖哭呢,就喺遭遇一D意外,唔记得晒以前噶野。

不过我写佐个序言,就无发过。

就喺呢个:

“我地真喺无聊,

原来呢个世界噶好多野都由好多无谓噶野组成。

过去噶我以为自己中意过去噶你。过去噶你原来仲中意我,但如果个阵我无稳你,我永远都唔知。

后来你竟然将所有野忘记晒。我决定将所有野抛弃,当无事发生过。

命运喺存在噶,当我地风起云涌甘俾佢玩个阵。

你忘记,我抛弃。我地变成依家噶我地。

如果依家噶你同时中意以前同依家噶我。依家噶我同时中意以前同依家噶你。

到底喺我地惨D,定以前噶我地惨D?

我地喺咪颠架……”

 

that's it .

  评论这张
 
阅读(61)| 评论(4)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017