注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Depressing

这么穷 那么累

 
 
 

日志

 
 

爱你,一秒钟  

2011-03-29 17:42:39|  分类: C & P |  标签: |举报 |字号 订阅

  下载LOFTER 我的照片书  |

有D野,人地一次唔讲,可能你成世都无机会听。

但如果喺你自己一直唔讲,就无资格嬲人地个一次唔讲。

20周年纪念活动,C&P环节。

有时,我地会非常想知道某一次,人地想讲而又唔讲噶野

并期望对方准备想噶,喺自己想听噶内容。

但系,就算,当年人地真喺想甘讲,但你依家就算确认了,

都系无补于事噶,因为人地依家可能为其他人要生要死了。

Perfection is not just about control. It's also about letting go.

                                                      ——《Fight Club》&《黑天鹅》都有出现

唔喺每一个人,都可以喺对方最那个噶时候,令对方讲出I wanna be with you

有D人,永远都唔可以

所以,都系你自己衰!

好,开始

 

Chapter 12

“每一次C&P有潜在可能性变成真正噶C&P个阵,都会有人出离阻止,就算无人阻止,佢哋噶爱都唔会超过一秒钟,呢个喺一个咒语。一定要遵守。”                      

                                                                                               ————《不可逆转》里的爱你许多年

电话

“喂,你喺边啊?”C

“准备放学咯,做咩啊?”P

“无,今日学校清洁,我搞掂之后早佐出离,问下你喺边度姐……”

“啊,甘岩啦,同我去商场买野。”

“又买野食啊?”

“周末啊嘛,无野食唔得架!”

“得啦得啦……”

 

商场。

“哗你翻翻屋企拿甘大抽野做咩啊?”Phoebe都未望真前面喺边个,就比C抢走袋野。

“甘翻得屋企梗喺搏命蓄衫拿翻去架啦。”P转台到委屈版语气

“应该喺‘翻得屋企,梗喺搏命甘唔洗衫拿翻去洗架啦。’”

“死野咪拆穿我啦!”打了一掌

“甘你依家又有咩想买啊?”

“你跟住我行得架啦~~”

C经过柜台个阵拿佐个购物篮,然后继续跟上。

 

“啊真喺醒目啊,正想叫你过去拿个篮装野添。”

“够啦……快D购物啦你。”

Phoebe开始选购未食过噶,食过觉得特别好食噶,人地推荐噶,太耐无食过噶。

 

埋单,

“我话你知啊,甘多野你咪今晚一晚食晒啊,肥死你啊。”C

“知啦,我梗喺买足一个周末架啦。”

呢个时候,后面出现一对相当亲密噶学生情侣(校服)

佢哋噶对白内容大概喺那女同学跟那男的逛商场逛得很HIGH,很有夫妻下班以后一齐逛商场的美感,那男同学就十分肯定地说以后结婚后也这样陪她逛。

他们采用非常那个的称谓,猪猪,肥猪猪。

“咦,快D走。”C摆个打冷震噶动作

“你甘衰架,你都系着校服行商场姐,做咩‘咦’人地姐?”

“美女,我有无叫你‘猪猪’先?”

“哈哈,甘又喺窝。”

At this moment.

出事了。

Phoebe望住C,左手拿住自己袋衫,右手拿住自己袋零食。

Phoebe啉到一个从来无认真考虑噶问题。

有一次,有个男孩帮自己拿包包,自己觉得很SWEET,不久就和他一齐了。

又有一次,和另外一个有点暧昧的男生一齐逛商场,就喺因为觉得有D似两公婆行商场噶感觉,比佐D暗示个个人,然后又和他一齐了。

点解C可以甘顺理成章甘陪自己做呢D野,但係自己可以完全唔泛起任何幻想噶……

或者,一个再容易想到永远噶人,都敌不过一个很难让人想到永远的人。

 

Phoebe考虑噶过程中,C已经捉住佢行到商场外面。

“喂,出离做咩啊?”Phoebe.

“靓女,你要过马路搭车翻屋企啊嘛……”

“哦……”

绿灯。Phoebe仲未回过神来

“行啦……”C将两袋野转晒落同一只手,然后捉住Phoebe只手,拖佢过马路。

Phoebe觉得奇怪,佢喺咪次次过马路都拖自己只手,佢几时开始过马路拖住自己只手,点解佢拖住自己只手会自然得甘紧要噶……

但无论Phoebe点啉,佢连上一次见面过马路喺点噶都唔记得……

 

巴士站牌隔离。

C习惯性报道一下边几部车Phoebe可以搭翻屋企,当然,报道完之后始终都系佢负责睇有无车过离。

Phoebe有D絮乱。

“你不如走先啦,屋企可能等你食饭吧。”

“急咩姐,等你上车先啦。”Phoebe终于记起,好耐之前,每次陪自己等车,C都会讲呢句,然后唔知几时开始,佢就习惯等埋自己上车先走。

但係Phoebe对拖手更加固执,啉到一个办法。

“我唔想搭巴士……”

“做咩唔想搭巴士啊?唔舒服啊?”C望下Phoebe,见无异样,“唔通你想我搭你翻屋企咩……”C指住对面商场停单车噶地方。

“你攰唔攰先?”

“唔攰!点会攰呢~~”C扮到好假好唔想噶语气,但Phoebe睇得出佢喺扮噶,佢乐意搭自己翻屋企。

“甘走啦~”Phoebe即刻转身行去斑马线

 

绿灯。

“你行甘快做咩姐……”C用同一个动作捉住Phoebe只手,过马路。

 

有D野,啉得多,就会有自我暗示噶作用。

 

单车上。

Phoebe不断甘啉紧,C对自己究竟喺点样噶?

会唔会,佢一直都中意自己呢?

安全起见,Phoebe仲用记忆搜索埋C同自己提过噶所有女仔

评估一下有无人重要过自己。

然后,重新回忆一下,好耐之前喺C屋企训觉之后,

佢帮自己斟水,着袜,锡自己只手,到底喺咪真噶……

“喂,我问你一个问题啊~”Phoebe

“嗯,你问。”

“你信唔信,有D一直陪喺身边噶人,其实喺一直都爱你架?”

“边场电影噶?”反射应答

“好多啊”反射应答,“喂!!我问你真实里面会唔会有啊!!”

“又唔喺唔信噶,肯定有呢D人噶,虽然我身边无……”

“哈哈~~知你无人爱啦!”

“喺啦喺啦,坐稳啦。落班时间多车啊。”

“我话你知啊,其实啊,我不嬲都唔喺好中意有人对我太好噶,”

“点解啊?边个?”C唔知话紧自己

“因为我一直觉得,好多人对自己好,都喺有企图同目的咯。”

“哦……”

“但係呢,唔知点解,我……”

“你咩?”

“我……”Phoebe重新整理由佢哋识到依家噶全部事,准备讲整体,突然,佢见到另一个路口有部好面善噶小车。“转弯!转弯!快D转入去右边条路!!!”

“咩啊?见到边个?”C按指令行驶

Phoebe望出去头先条大马路,见到个部车开远佐。“哗,你好险啊,头先见到我姨仔部车。”

“…………比你吓到我半死…有无甘严重啊…”

“比你想象中更严重。”

“喺啦,你头先讲开咩话?”

“下?”Phoebe啉翻起自己正准备讲噶,突然觉得无晒勇气,“我唔记得啦。”

“唔喺窝,你噶语气好似好大获甘噶窝,你啉真D。”

如果,佢唔喺自己啉噶甘,如果,佢答‘Phoebe你误会了。’

“唔大获架,都喺无野啦,由佢啦!你快D踩翻出大路啦,唔喺你有排都未翻到屋企啊。”

踩佐一段路

“唔喺吧,你喺咪睇岩边个美男啊,你次次拍拖前都甘噶语气噶窝。”

“无啊!真架,你信我啦。到啦,比翻D野我。”

Phoebe落车,自己抽翻两袋野,好重。

“甘重你得唔得架?”

“我甘重你都搭到啦,你同我定啦!”

Phoebe转身,准备转入另一个街口个阵,回头望。

“你快D踩翻去啦,有咩好望姐?!”Phoebe见到C仲喺度。

“你小心D啊。”

“就两个借口可以点小心姐,痴线噶~”傻笑。

 

始终都无讲。或者喺岩噶。

就当佢对自己噶全部好,都喺每个女仔都可以拥有噶人道主义友情援助

就当佢对自己噶全部亲密,都喺“睡醒前记忆模糊症”里面噶发梦部分

因为,无论喺发梦,定係真正发生过,

只要Phoebe打过佢,佢都会扮晒不耐烦地“做咩姐?”

然后很准时地现身。

就当,那一日,爱了你,一秒钟,就一秒钟。

睡醒前记忆模糊症
  评论这张
 
阅读(76)| 评论(1)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017